जागतिक साक्षरता दिनानिमित्त जि.प.प्राथमिक शाळा,रानमळा
येथे रंगभरण स्पर्धेचे आयोजन
दिनांक ८ सप्टेंबर २०१८ रोजी जि.प. प्राथमिक
शाळा, रानमळा येथे जागतिक साक्षरता दिन साजरा करण्यात आला. परीपाठानंतर शाळेचे
उपाध्यापक श्री. नरसाळे सर यांनी विद्यार्थ्यांना जागतिक साक्षरता
दिनाविषयी थोडक्यात माहिती सांगितली.
सन १९६५ साली जागतिक संघटना UNESCO ने केलेल्या सर्वेक्षणा नुसार जगातील
८५ % देशामध्ये साक्षरते विषयी लोक जागरूक नाही. त्यामुळे सन १९६६ मधील सप्टेंबर
मधील ८ तारखेपासून त्यांनी साक्षरते विषयी लोकांमध्ये जागृती निर्माण करण्यासाठी
जागतिक साक्षरता दिन साजरा केला. तेव्हापासून जागतिक साक्षरता दिन ८
सप्टेंबर रोजी आपण दर वर्षी साजरा करतो.
त्यानंतर साक्षरते विषयी जनजागृती करण्यासाठी
गावातून प्रभात फेरी काढण्यात आली. यावेळी विद्यार्थ्यांनी साक्षरतेविषयी अनेक
घोषणा दिल्या. यामध्ये “साक्षर जनता, भूषण भारता.” यासारख्या अनेक घोषणांचा
समावेश होता.
शेवटी विद्यार्थ्यांसाठी रंगभरण स्पर्धा सुरु
करण्यात आली. शिक्षक श्री. नरसाळे सर यांनी रंगभरण स्पर्धेविषयी विद्यार्थ्यांना
सूचना दिल्या. विद्यार्थ्यांना चित्र वाटप करण्यात आले. विद्यार्थ्यांनी आपल्या
कल्पकतेने त्यामध्ये रंग भरले. इयत्ता १ ली व २ री चा एक गट व इयत्ता ३ री व ४ थी
चा एक गट करून स्पर्धा पूर्ण केली. यामध्ये २ री
च्या ज्ञानेश्वरी दत्तात्रय चौधरी व ४ थी च्या श्रेया विजय फलके या
विद्यार्थीनीनी प्रथम क्रमांक पटकावला. विजेत्या स्पर्धकांचा सन्मान करण्यात आला.
