शिक्षक दिनाचे आयोजन

जिल्हा परिषद प्राथमिक शाळा, रानमळा येथे शिक्षक दिन उत्साहात साजरा

                        ५ सप्टेंबर हा राष्ट्रीय शिक्षक दिन म्हणून साजरा केला जातो. जि.प.प्राथमिक शाळा, रानमळा या ठिकाणी ५ सप्टेंबर २०१८ या दिवशी शाळेला सुट्टी असल्यामुळे दिनांक ६ सप्टेंबर २०१८ रोजी शिक्षक दिन साजरा केला. या वेळी शाळेचे उपाध्यापक श्री. नरसाळे सर यांनी विद्यार्थ्यांना शिक्षक दिनाविषयी सविस्तर माहिती सांगितली.

                        ५ सप्टेंबर हा दिवस भारताचे दुसरे राष्ट्रपती डॉ. सर्वपल्ली राधाकृष्णन यांचा जन्मदिवस. शिक्षकांच्या भूमिकेच महत्त्व आणि भविष्यातील पिढ्यांच्या जागरूकतेसाठी हा दिवस साजरा केला जातो. श्री. नरसाळे सर यांनी सांगितले कि, शिक्षक हा भावी पिढीचा शिल्पकार असून त्यांच्याकडून आपल्याला ज्ञान व जगाकडे पाहण्याची सकारात्मक दृष्टी मिळत असते. त्यामुळे आपणही आपल्या गुरु, शिक्षकांविषयी या दिवशी कृतज्ञता व्यक्त केली पाहिजे. आपले सर्वात पहिले गुरु म्हणजे आपली आई., त्यानंतर आपले वडिल व आपल्याला ज्ञान दिलेले आपले शिक्षक यांचे आपण या दिवशी आभार मानले पाहिजे.